Ilang beses ko nang sinisigaw at hinihiling nang tiklop-tuhod ang pagsagip,
at batid kong nabibingi na ang langit sa paghingi ko ng awa.
"Papuri! Kahabagan nawa'y mamutawi!"
Nguni't bumabalik lamang sa akin ang mga alingawngaw.
Wala, at hindi ko dama ang tubig―ang ragasa na tatapos
sa tuyot ko nang pag-asa.
Pagdarahop na patuloy bubugso, at
magpapatuloy sa paghukay sa kuwebang gawa ng sarili kong pag-iisip.
"Ako ang gumawa, ako ang guguho,"
at paulit-ulit ko itong bibigkasin na parang isang saplot
na babalot sa hapo kong katawan.
Comments
Post a Comment