Alapaap, narito ang pagyapos ng aking katawan,
Hayáhay ng hangi't ibon, narito't ako'y sabayan.
Ragasa nang ragasa yaong mga tubig mula sa Kanluran,
At kung dumaloy man ito pababa sa kabundukan,
Marapat na hagkan ang iyong marikit na kapanaanan.
Kalayaan kong makita ang dulot mong pagsinta,
O sa busabos ako ng sariling pangamba―nalugmok, ito ang aking puhon!
Magmaliw, kung ito ma'y magmaliw, kung ito man ay susuungin,
Aking panata'y pagtulos ng kandila ng pagsuyo.
Hindik kong dala ng mga dapithapon,
Ay sa kadalasa't sa kahibikan
Lagi't lagi kong sambit ang pahinga mong pagkatao.
Kasarinlan, ibabandera ang sarili kong gawang watawat; ako'y tatakbo, at
Ito'y mula sa pagkatao kong binubuo ng hangin ng iyong kasiguraduhan.
Tanyag yaong aking kinatatayuang dalampasigan ng mapipinong buhangin;
At kung ito man ang kahulugan ng paglalayag patungo sa iyo,
Kung ito ang paglulan 'tungo sa iyong pagsinta,
Ako ay tatapak sa lupa nang walang sapin ang mga paa.
Comments
Post a Comment